Delhi-o NPP-ni office gitalko Pa,Conrad nokdongga

0
153
Bristibar salo National People’s Party (NPP)-ni gitalgipa office-ko a∙songni skotong New Delhi songjinma∙o, Meghalaya a∙dokni Skotong Minister aro NPP-ni national president Pa,Conrad K Sangma-ni jakchi nokdonggae on∙angaha aro nokdonggani somoio Meghalaya a∙dokni Dakchagipa skotong Minister Pa, Prestone Tynsong, Manipur a∙dokni dakchakgipa mnisiter Joykumar Singh, Meghalaya a∙dokni Rajya Sabha MP WR Kharlukhi, Tura-ni Lok Sabha MP Agatha K Sangma aro a∙songni dingtang dingtang biaprango donggipa NPP-ni dilgiparangba dongpae bako ra∙angaha.
NPP dol ian a∙songo chetgipa national party ong∙a aro ia office-nokko India sorkari, Delhi songjinmani 75 North Avenues-o songataha.
Delhi-o NPP-ni office nokko nokdonggae on∙angani somoio Lok Sabha-ni gitcham Speaker P.A. Sangma sagini jikgipa Soradini K Sangma baksana Meghalaya a∙dokni gitcham skotong minister aro NPP-ni national vice padot DD Lapang-ba dongpaaha.
Ia office nokko nokdonggani ja∙man NPP-ni dilgiparang, Constitution Club-o tom∙e, NPP-ko mikkangchi bilakbate aro nambate rikangkuna ku∙mikchetangtokaha.
Delhi-o NPP-ni office nokko nokdonggae on∙angani somoio NPP-ni national padot Pa,Conrad Sangma jinmana aganprakengon, ia office nokko an∙tangni pagipa sagi P.A. Sangma-na on∙kangangenba, manderangna aro mongsongbate songsalo bilgrigiparangna NPP dol kamrangko ka∙angkugen ine parakangaha.
NPP dolara, Ian India a∙songni salgro salaram jolrango skanggipa kulichenggipa national party ong∙a iana agre gipil darang ba National partyko kulikuja ine nikna man∙a.