Delta Variant Covid 19 ko ta•rake bon•atna nanga ine WHO agana

0
151

Delta variant mingipa Covid 19 sabisini rokomko tarake bon•atna jotton ka•na nangengjok ine Sukrobar salo World Health Organisation aganaha. Iako da•o bon•atjaode ja•mano ia virus dingtang dake bilakbate ong•katgen ineba WHO aganaha. Delta variant rokomni covid 19 namen tarake batrikrikgipa ong•a aro da•on ia virus A•song dam 132 ona sokangaha. Ian an•chingko simsaksochina gita mikgrakatsoengjok iako da•o champengna ba bon•atna man•jaode iade blakbate atchirikrikgen aro namjabatgipa virus ong•gen inenba rakgipa ja•kurangko ga•china gita WHO Emergencies Director Michael Ryan didiataha. Da•odipetde rokkom bri dakgipa Covid 19 ni virus ba jo•ongkosan rim•na man•kuenga indiba sabisi baita giprorogen inditan dingtang dingtang rokomrangba ong•katrikrikgen. Batanggimin anti brini gisepo Delta variant 80%ni gita giproroaha ine WHO ni Director General Tedros Adhanom aganaha.

Delta variant nam•en ta•rake giprorogenchimoba covid na don•gimin niamrang jekai ku•sik ka•tipani, jakrangko jaksuani, balwa nanggijagipa nokdringrango ru•ute donganirangko gelanichi aditan ia sabisiko champengna man•enga aro mongsongbate vaccine ko su•anichi virus ni dingtang dake ba bilakbate atchitaianiko don•tongatna man•enga ineba “Ryan” aganaha. Ia virus namen dingtangman•chagipa ong•a aro blongen ta•rakgipa ong•a indiba an•ching ia chango gisikgnange bimchipe aro bilgnange ia sabisiko dakrikna nanggen ineba ua janapaha.