ILP-ko Meghalaya a∙dokio minute 5-on on∙gen Shullai

0
262
National People’s Party (NPP)-chi dilenggipa Meghalaya Democratic Alliance (MDA) sorkari da∙ona kingkingba Inner Line Permit (ILP)-ko a∙doko ragatna man∙jaha unbaksana Union Home Minister Amith Shah ba ILP-na dabianiko jangilosa donataha.
BJP-ni gital cabinet-o rimnapako mangipa Meghalaya a∙doko re∙baenggipa election-o chu∙gimik amgenchimode Meghalaya a∙dokna minute bongani gisepon on∙gen ine Pa, Sanbor Shullai  aganaha. Uni agandapanio ua adokni manderangko BJP-ni kosako matnange aganani kattarangko knachakjachinaba molmolaha.
Skotong Minister, Conrad Sangma-ni dilanio kenchakani aro ka∙dongna man∙gijanirang donga ine nikna man∙enga maina unbaksa apsan ka∙rim ska cabinet minister-an a∙dokni manderangko re∙baenggipa bilsi 2023-ni election-o puon∙china molmolenba ILP-ko bilona re∙baode changsaon tarake on∙gen ine parakataha.
MDA sorkario gital rimnapako man∙gipa cabinet minister Pa, Sanbor Shullai kamko jako ra∙ani bakan, Labour Department-o neng∙nikani donggiparangko namatanian uni skanggipa aro mongsonggipa kam ong∙en aro maidakgipa neng∙nikanirangjko man∙e Marginalized ba kangal batgipa hajira kamrangko ka∙e cha∙enggipa manderang departmentoniko man∙na nangiparangko man∙jaenga uarangko am∙sandie on∙anggen ineba parakataha.
Changgitamna kingking South Shillong-ni MLA ong∙gipa BJP sason ka∙aoni salgro salaram a∙dokrang dingtang dingtang scheme-rangko man∙e  namgnirangko man∙engaha ine aganaha.
 “Nangni okna chanchiba aro manderang gimikan pulbibalna ka∙saaniko gisik ra∙na nangen. Unigimin uamang bibalni noksao rebaenggipa election-o sikdepna nangen. Maiba dake BJP ge 33 biaprangko man∙ode chinga sorkariko rikgen aro nasimang  nikna mangen dud aro bijabitchi ong∙katgen aro Meghalaya a∙dok dingtanggen” ine Shullai aganaha.
BJP-ni dilgipa Nagaland a∙doko skia man∙begipa chadamberangchi dilgipako seaokaniko nie skie ra∙chinaba didiangaha.
 “A∙doko 90% Christian-rang dongeba chinga sak 13 MLA-rang amaha aro da∙o dakchakgipa CM ba BJP-oni ong∙a” ine aganenba ua Nagaland-ni development ko jaksi otaha. Ian Meghalaya a∙dokna dilgiparangko seokaniko mesokani ong∙a aro ian skanggipa changna sorkari songadamo donggipa manderangna bang∙a scheme-rangko on∙engaha.
Uni ia kamrangko jako rangani somoio banga MDA sorkarini kosako matnanganirang  donganina Shullai anganchakengon “Je mandean cha∙una changa police uko rim∙na man∙ja indiba  je madean cha∙una changja ukode police bikdaken rim∙na manaia” ine aganchakaha.