MBOSE Science aro Commerce stream-ni result-ko parakata

0
701
Meghalaya Board of School Education (MBOSE) sukurbar salo Higher Secondary School Leaving Certificate (HSSLC) porikani  science aro commerce-ni result-ko parakataha.
A∙doko gesa niksenggipa St. Anthony’s Higher Secondary school bangbate position-ko manaha unoni Rachoita Das aro Akash Paul skanngipa aro ginigipa position-ko science stream-o man∙aha.
Sak 10 top list-oni sak 7 chatro chatrirang  science stream-o pass ka∙giparangara, Rachoita Das 1 gipa, Akash Paul 2 gipa, Abhinav Dey 4 gipa, Rahul Paul 5 gipa, Dimarkithmu Gayang 6 gipa, Pratik Das 7 gipa aro Shouvik Ghosh 9 gipa position ong∙aha.
Science stream-o name pass ka∙giparangni gimi n agangenchimode, Luigi Dalian Pasweth of North Liberty School, Mookyrdoop-Jowai 3 gipa, Bamedari Palei -ni St Edmund’s Higher Secondary School 7gipa position ko man∙aha, Saurav Modak Don Bosco College-Higher Secondary -ni 8gipa aro Vakkalagadda Drishti Rao, St. Edmund’s Higher Secondary School-ni 10 gipa positionko man∙aha.
Apsan daken Commerce stream-oba. St. Anthony’s higher secondary school-ni chatro chatrirangan nambatgipa ong∙aha.
Neng∙e janngi tanggipa nokdangoni saksa, Debraj Nag Laban Bengalee Boys’ Higher Secondary School-oni commerce stream-o 1 gipa position-ko man∙aha . una agreed commerce stream-ni chu∙gimik biapkon St. Anthony’s higher secondary school-ni chatro chatrirangan ragopaha.
Gimik mang sak 8 chatro chatrirang St. Anthony’s Higher Secondary School, Shillong onian top 10 position-rangko commerce stream-o mantokaha.
St. Anthony’s Higher Secondary School, Shillong –ni jemangan commerce stream-o top10 list-o dongachim uarangara Sanjana Singhania 2 gipa, Sweety Paul 4 gipa, Vidhita Chettri 5 gipa, Arifful Sheikh 6 gipa, Avneet Kaur Tedwal  8 gipa, Nathaniel Elizer Nongkynrih 9 gipa aro Ekta Sharma aro Gayatri Saptoka 10 gipa position-ko man∙aha.
Gipin school-oni top 10 list o manpagiparangara Roshan Tiwari Adventist Higher Secondary School-ni 3 gipa, Gaurav Paul Nongthymmai Nepali Higher Secondary School-ni 4 gipa, Raj Deb of Umshyrpi College –ni 6 gipa, Aman Rai Nongthymmai Nepali Higher Secondary School-ni7 gipa, Elfie Wanniang  Anderson Higher Secondary School, Upper New Nongstoin-ni 8 gipa aro Hame Datei Skhem Lawai St Edmund’s Higher Secondary School-ni 9 gipa positionko man∙skaaha.
Science stream-ni pass percentage- ara 75.85%. Regular candidate-rangni percentage-ara 78.82 Me∙asa  aro 75 me∙chikrang ong∙a.
Commerce stream-ni pass percentage –ara 80.93%. Regular candidate-rangni percentage-ara 78.62 Me∙asa  aro 85.38 me∙chikrang ong∙a.