Shullai aro Tynsongna Portfolio Suala

0
294
Dakchakgipa skotong Minister aro gital seokako mangipa Cabinet minister-na portfolio-rangko suala
Bristibar salni bakko, sktong Minister Pa Conrad Sangma-ni ku∙pattianiko man∙e Meghalaya a∙dokni sorkari, Dakchakgipa skotong Minister Prestone Tynsong aro gital seokako man∙gipa Cabinet Minister Sanbor Shullai-na portfolio-rangko sualataha.
Sorkarini parakatanio, a∙dokni gital Cabinet Minister Sanbor Shullai-na Animal Husbandry & Veterinary department, Arts & Culture, Home (Passport), Prisons aro Labour department-rangko on∙angaha.
A∙dokni gitcham Minister AL Hek-ni jako ra∙e kamkagipagipa Health & Family Welfare department-ko a∙dokni Dakchakgipa skotong Minister Prestone Tynsong-na on∙skaaha, una agreba ua Housing, Parliamentary Affairs, Public Works Department (Roads), Food, Civil Supplies & Consumer Affairs baksana Cooperation department-rangko jako ra∙angkugen.
July-jani 27 tariko Bharatia Janata Party-ni Minister AL Hek-ko gale, BJP-ni sakgipin MLA Sanbor Shullai-ko Cabinet-o rimnapskaahani gimin sorkari adita portfolio-rangko sualatpiltaiaha.